ეს არის სახელმწიფო, სადაც პროკურატურას ჰყავს მძევალი, არასრულწლოვანი, - ამის შესახებ ხორავას ქუჩაზე მოზარდების მკვლელობის საქმეზე, ცრუ ჩვენების მიცემაში ბრალდებული არასრულწლოვნის დ.ღ.-ს მამამ, კახა ღლონტმა ჟურნალისტებს განუცხადა.

ბრალდებულის მამა მიიჩნევს, რომ მის შვილს პატიმრობაში უკანონოდ ამყოფებენ. ამასთან, კახა ღლონტი გამოძიების არაეფექტურობაზეც საუბრობს.

"ეს არის ქვეყანა, სახელმწიფო, სადაც პროკურატურას ჰყავს მძევალი, არასრულწლოვანი. თვითონ ვერ გამოიძიეს ეს საქმე, შეცდომები დაუშვეს თუ რა მოხდა არ ვიცი, მაგრამ დღეს, ამ სასამართლო სხდომაზე გამოვლინდა, რომ ჩემი შვილი პროკურატურის მძევალია. ორი თვეა ჩემი შვილი დაკავებულია და რამე გააკეთეს? ვინმე არის კიდევ დაჭერილი? რას აკეთებენ საერთოდ. დაიჭირეს ეს არასრულწლოვანი, ორი თვეა პატიმრობაში ჰყავთ და ვერ ასაბუთებენ, რატომ ჰყავთ პატიმრობაში და უარს გვეუბნებიან ყველაფერზე საერთოდ. გავაგრძელებთ სამართლებრივ ბრძოლას სიმართლისთვის", - აღნიშნა კახა ღლონტმა.

იხილეთ ვიდეო: "ჩემი შვილი არის პროკურატურის მძევალი" - ხორავას საქმეზე დაკავებული არასრულწლოვანის მამა