ეკლესიის ხმა არის ხალხის ხმა, - ამის შესახებ „პალიტრანიუსის“ გადაცემაში “360 გრადუსი“ მამა ვლადიმერ ვახტანგაძემ განაცხადა. მისი თქმით, ეკლესია გრძნობს იმ პრობლემებს, რომელიც აქვს საზოგადოებას და ლეგიტიმურმა ორგანომ, ამ შემთხვევაში პარლამენტმა, არ უნდა მიიღოს კანონი, რომლიც არ მოსწონს ხალხს.

სასულიერო პირმა გადაცემაში მონაწილეობისას რამდენჯერმე აღნიშნა, რომ ეკლესია არ დაუშვებს მარიხუანას კულტივაციას და ამ მხრივ ის დათმობებზე არ წავა.

„საქართველოს მართლმადიდებელი ეკლესია უკვე საუკუნეა გამოხატავს ქართველი ერის უმრავლესობის ნებას. ყველაზე უკეთ თუ ვინმე გრძნობს პრობლემათა არსს, ეს არის მართლმადიდებელი ეკლესია. ეკლესიის ხმა არის ხალხის ხმა“, - აღნიშნა მამა ვლადიმერ ვახტანგაძემ.