რეგლამენტის რეფორმა თვისებრივად გააძლიერებს პარლამენტის ადგილსა და როლს კონსტიტუციურ სისტემაში, - ამის შესახებ პარლამენტის თავმჯდომარემ ირაკლი კობახიძემ პარლამენტის პლენარულ სხდომაზე, პირველი მოსმენით, პარლამენტის ახალი რეგლამენტის პროექტის განხილვის დასრულების შემდეგ განაცხადა.

კობახიძის თქმით, რეგლამენტის რეფორმით გაძლიერდება პარლამენტის კანონშემოქმედებითი და საზედამხედველო ფუნქციები. “რეგლამენტის რეფორმა არ არის რიგითი რეფორმა, ეს არის ფუნდამენტური რეფორმა, რომელიც თვისებრივად გააძლიერებს პარლამენტის ადგილსა და როლს მთლიანად კონსტიტუციურ სისტემაში. გაძლიერდება პარლამენტის კანონშემოქმედებითი ფუნქციები, მისი საზედამხედველო ფუნქციები. ეს არის ფუნდამენტური რეფორმა ნამდვილად“,- განაცხადა კობახიძემ.