კანონპროექტების განხილვის დროს პარლამენტის კომიტეტის სხდომის დახურვა დაუშვებელი იქნება. ასეთი აკრძალვა პარლამენტის ახალ რეგლამენტში ჩაიწერება. რეგლამენტის პროექტით ცალსახად არის განსაზღვრული, რომ კომიტეტის სხდომა საჯაროა და საჯარო სხდომა პირდაპირი ტრანსლაციით გადაიცემა.
კომიტეტი დახურულ სხდომას მხოლოდ განსაკუთრებულ შემთხვევაში გამართავს, რაზეც გადაწყვეტილება კომიტეტის სიითი შემადგენლობის უმრავლესობით მიიღება.
პარლამენტის პლენარულ სხდომაზე, პირველი მოსმენით, პარლამენტის ახალი რეგლამენტის პროექტის განხილვა მიმდინარეობს.