„ევროპული საქართველოს“ წევრი გივი თარგამაძე აცხადებს, რომ პროკურატურამ ფინანსთა სამინისტროს საგამოძიებო სამსახურში „არსებულ კორუფციულ გარიგებასთან“ დაკავშირებით რეაგირება უნდა მოახდინოს. გივი თარგამაძემ ფინანსთა სამინისტროს საგამოძიებო სამსახურის ყოფილი თანამშრომლის ივანე აბესაძის საქმე მაგალითად მოიყვანა და აღნიშნა, რომ აღნიშნული პირი საგამოძიებო სამსახურიდან უსამართლოდ მხოლოდ იმის გამო გაათავისუფლეს, რომ სააფთიაქო სფეროში დანაშაულებებზე, ასევე რესპუბლიკურ საავადმყოფოში ფინანსურ დარღვევებზე საუბრობდა.

„ივანე აბესაძე გაუშვეს სამსახურიდან, როდესაც მან სააფთიაქო სფეროში დანაშაულებები ამხილა. თუმცა დღემდე პროკურატურაში არ არის გაცემული ამ კითხვებზე პასუხი. მიმდინარე პროცესებს თუ შევხედავთ ჩვენ დავინახავთ, რომ კორუფციის მხრივ მძიმე ვითარებაა. ასევე ვხედავთ, რომ საგამოძიებო სამსახურის მაღალჩინოსნები ჩართულები არიან ამჟამად „იბერიას“ საქმეში. მე მოვუწოდებ პროკურატურას, მოახდინოს რეაგირება ფინანსთა სამინისტროს საგამოძიებო სამსახურის ყოფილი თანამშრომლის განცხადებაზე და გასცეს ყველა კითხვას პასუხი“ , - განაცხადა გივი თარგამაძემ.