ვარშავის სახანძრო სკოლამ საგანგებო სიტუაციების მართვის სამსახურს სახანძრო აღჭურვილობა გადასცა. ამის შესახებ „ინტერპრესნიუსს“ საგანგებო სიტუაციების მართვის სამსახურიდან აცნობეს.

მათი ინფორმაციით, ოფიციალური გადმოცემის ცერემონია დღეს გაიმართა. პოლონურმა მხარემ პროექტ "საქართველოს კრიტიკულ ინფრასტრუქტურაში მაშველ სპეციალისტთა განვითარების" ფარგლებში, აღჭურვილობის გარდა, მეხანძრე-მაშველები პოლონეთში გადაამზადა.

„სწავლების დასრულების ბოლო ეტაპზე, პოლონურმა მხარემ მეხანძრე-მაშველებს სერტიფიკატები გადასცა. პოლონეთთან შეთანხმების საფუძველზე, 2019 წელს საქართველოში, ვარშავის მთავარი სახანძრო-სამაშველო სკოლა საქართველოში სასწავლო ცენტრს ააშენებს, - ამის შესახებ შეთანხმება ქართულ და პოლონურ მხარეს შორის 18 სექტემბერს შედგა. სასწავლო ცენტრი 2019 წლისთვის აშენდება, სადაც მეხანძრე-მაშველები პრაქტიკულ სწავლებებს გაივლიან. 3-სართულიანი შენობა სასწავლო-სიმულაციური დანადგარები იქნება აღჭურვილი, რაც მეხანძრე-მაშველებისთვის პრაქტიკული სწავლების ინოვაციურ მოდელს შექმნის,” - ნათქვამია ინფორმაციაში.