ერაყის სასამართლომ ტერორისტული დაჯგუფება „ისლამური სახელმწიფოს“ ლიდერის აბუ-ბაქრ ალ-ბაღდადის მოადგილეს სასიკვდილო განაჩენი გამოუტანა.

ამის შესახებ ერაყის უზენაესი სასამართლოს ოფიციალურმა წარმომადგენელმა სატარ ბეირაქდარმა განაცხადა.

„ბაღდადის სისხლის სამართლის სასამართლომ ისმაილ ალ-აიშუაის საქმის განხილვა დაასრულა და მის მიმართ სასიკვდილო განაჩენი გამოიტანა“, - განაცხადა ბეირაქდარმა.

გამოძიების ინფორმაციით, ალ-აიშუაი ბაღდადის ერთ-ერთი მოადგილე იყო და მის უახლოეს წრეში შედიოდა. ერაყში „ისლამური სახელმწიფოს“ დამარცხების შემდეგ ის სირიაში, იქიდან კი თურქეთში გაიქცა. თურქულმა დაზვერვამ ის დააკავა და ერაყულ მხარეს გადასცა.