რუსთავში, მეგობრობის გამზირზე ტექნიკის მაღაზია „ზუმერი" გაქურდეს. წინასწარი ინფორმაციით, მაღაზიიდან ძვირად ღირებული მობილური ტელეფონებია წაღებული.
არსებული ინფორმაციით, დანაშაული არასრულწლოვნებმა ჩაიდინეს, რომლებმაც ცენტრალური შესასვლელი კარი გატეხეს და შიგნით შეაღწიეს.
როგორც „ინტერპრესნიუსს" შსს-ში განუცხადეს, ფაქტი დღეს გამთენიისას მოხდა. გამოძიება სსკ-ის 177-ე მუხლითაა დაწყებული, რაც ქურდობას გულისხმობს. ამ ეტაპზე მიმდინარეობს ინტენსიური საგამოძიებო მოქმედებები.