ზუგდიდის მუნიციპალიტეტის მერის მოვალეობას ყოფილი მერის მეორე მოადგილე მაიზერ ნანავა შეასრულებს. ამის შესახებ „ინტერპრესნიუსს“ მერიის პრესსამსახურში განუცხადეს.

მათივე ცნობით, გადადგომის შესახებ ლაშა გოგიას განცხადება მერიაში დღეს დარეგისტრირდა.

„რეგისტრაციის მეორე დღიდან უწყდება მერს უფლებამოსილება. შესაბამისად, ხვალიდან შეუდგება მაიზერ ნანავა მოვალეობის შესრულებას", - აღნიშნეს პრესსამსახურში.

ლაშა გოგიამ მერის თანამდებობა დატოვა, თუმცა „ქართული ოცნების“ საოლქო ორგანიზაციის თავმჯდომარედ რჩება.

ზუგდიდის მერის არჩევნები კი 2019 წლის მაისში გაიმართება.