„კაფე გალერის“ დამფუძნებელი ალექსანდრე ანთაძე დაკითხვაზე დაიბარეს
„კაფე გალერის“ დამფუძნებელი ალექსანდრე ანთაძე თბილისის პოლიციის სამმართველოში დაკითხვაზე დაიბარეს.
როგორც „ინტერპრესნიუსს“ შინაგან საქმეთა სამინისტროში განუცხადეს, ანთაძე პოლიციაში დაკითხვაზე მოწმის სახით არის დაბარებული.
შეგახსენებთ, რომ 12 მაისს ღამის კლუბებში ჩატარებული სპეცოპერაციის შედეგად დაკავებულთა შორის არის „გალერის“ დაცვის უფროსი. კლუბები „გალერი“ და „ბასიანი“ ამ დროისთის დალუქულია.
