დიმიტრი ცქიტიშვილი ოთარ კახიძეს - ეს იყო არშემდგარი პროკურორის საბრალდებო სიტყვა, რომელმაც არ იცის როგორ დაძლიოს თავის თავში შინაგანი ძალადობა

ბატონო ოთარ, თქვენი გამოსვლა საგამოძიებო კომისიის წევრის გამოსვლა კი არ იყო, არამედ ეს იყო არშემდგარი პროკურორის საბრალდებო სიტყვა, რომელმაც არ იცის როგორ დაძლიოს თავის თავში შინაგანი ძალადობა, - ამის შესახებ საპარლამენტო უმრავლესობის წევრმა დიმიტრი ცქიტიშვილმა ხორავას ქუჩის საქმეზე საგამოძიებო კომისიის დასკვნის განხილვისას განაცხადა. მისი თქმით, „ევროპული საქართველოს“ წევრებმა ყველაფერი გააკეთეს იმისთვის, რომ საგამოძიებო კომისიის შექმნის პრეცენდენტი არ ყოფილიყო წარმატებული.

„ყველანირი პარტიული კონიუნქტურის მიუხედავად, მზად ვიყავი ძალიან ბევრი საკითხი განმეხილა თქვენთან ერთად და სამართლიანობის მიხედვით შეგვედგინა ერთიანი დასკვნა. სამწუხაროდ, ამის თეორიული შესაძლებლობაც არ დატოვეთ. პირდაპირ გამოიტანეთ დასკვნა, რომელიც გაჯერებული იყო პოლიტიკური დღის წესრიგის საკითხებით. ყველაფერი გააკეთეთ იმისთვის, რომ საგამოძიებო კომისია, რომლის პრეცენდენტი პრაქტიკულად პირველია, არ შემდგარიყო, როგორც წარმატებული, სადაც ხელისუფლების და ოპოზიციის წარმომადგენლები რაღაცაზე ერთიანობაში თანხმდებიან.

ის, რომ თქვენ თეა წულუკიანი, გიორგი გახარია და ირაკლი შოთაძე არ მოგწონთ, ამაში რა თქმა უნდა, გასაკვირი არაფერი არ არის, რომ მოგწონდეთ, ეს უფრო გასაკვირი იქნება, მაგრამ უზნეობის კიდევ უფრო დიდი დონე ის არის, დღეს რაც მოვისმინე. ბატონო ოთარ, თქვენი გამოსვლა საგამოძიებო კომისიის წევრის გამოსვლა კი არ იყო, არამედ ეს იყო არშემდგარი პროკურორის საბრალდებო სიტყვა, რომელმაც არ იცის როგორ დაძლიოს თავის თავში შინაგანი ძალადობა,“ - განაცხადა დიმიტრი ცქიტიშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს