სალომე ზურაბიშვილის მიერ გაკეთებული განცხადება სრულად შეესაბამება იმ პათოსს, რომელიც იყო ასახული პატრიარქის გუშინდელ განცხადებაში, - ასე ეხმაურება ეკლესიასთან დაკავშირებით დამოუკიდებელი საპრეზიდენტო კანდიდატის სალომე ზურაბიშვილის განცხადებებს პარლამენტის თავმჯდომარე ირაკლი კობახიძე. მისი თქმით, სალომე ზურაბიშვილმა კონკრეტულ განცხადებებზე გაამახვილა ყურადღება.

„ჩვენთვის მნიშვნელოვანია ეკლესიის პოზიცია ყველა საკითხთან დაკაშირებით. განსაკუთრებული გულისხმიერებით ვეკიდებით თითოეულ განცხადებას და პოზიციას, რომელიც გვესმის საპატრიარქოს მხრიდან. აქედან გამომდინარე, ჩვენი საერთო სულისკვეთებაა ეს და ეს განგვასხვავებს ჩვენი ოპონენტებისგან, რომლებიც მონაწილეობენ საპრეზიდენტო არჩევნებში. ჩვენი ოპონენტები წლების განმავლობაში არიან დაკავებულნი ეკლესიის მტრობით, დაპირისპირებით და რელიგიური გრძნობების შეურაცხყოფით“, - განაცხადა კობახიძემ.