მაიკ პომპეო „ილ-20“-ის კატასტროფას ეხმაურება
რუსეთის სამხედრო კოსმოსური ძალების „ილ 20“-ის კატასტროფა მიუთითებს ვითარების მშვიდობიანი და პოლიტიკური გადაწყვეტის ძიების აუცილებლობაზე როგორც სირიაში, ისე მთლიანად რეგიონში. ამის შესახებ საუბარია ამერიკის სახელმწიფო მდივნის მაიკ პომპეოს მიერ გავრცელებულ განცხადებაში.
„ორშაბათს მომხდარი სამწუხარო ინციდენტი გვახსენებს, რომ აუცილებელია საბოლოო, მშვიდობიანი და პოლიტიკური გადაწყვეტილების მოძებნა ბევრი პარალელური კონფლიქტის გადასაწყვეტად რეგიონში, ასევე, სამხედრო მოქმედებებით გადატვირთულ სირიაში“, - აცხადებს ამერიკის სახელმწიფო მდივანი. მანვე ამერიკის სახელით მწუხარება გამოთქვა რუსული თვითმფრინავის ეკიპაჟის გარდაცვალების გამო.
