შპს „საქართველოს გაზის ტრანსპორტირების კომპანია“ ქუთაისი-სოხუმის მაგისტრალური გაზსადენის 65.6-ე კილომეტრზე სარეაბილიტაციო სამუშაოებს განახორციელებს, - ამის შესახებ კომპანიის მიერ გავრცელებულ ინფორმაციაშია ნათქვამი.
მათივე ცნობით, სამუშაოების გამო, 19 სექტემბერს, 06:00-დან 19:00 საათამდე ბუნებრივი გაზის მიწოდება შეუწყდება ქალაქ სენაკისა და სენაკში არსებული თავდაცვის სამინისტროს დასახლების აბონენტებს. „კერძოდ, ძველი დაზიანებული სახაზო ონკანი შეიცვლება ახლით. აღნიშნული ვითარებიდან გამომდინარე, მიმდინარე წლის 19 სექტემბერს 06:00-დან 19:00 საათამდე ბუნებრივი გაზის მიწოდება შეუწყდება ქალაქ სენაკისა და სენაკში არსებული თავდაცვის სამინისტროს დასახლების აბონენტებს. კომპანია შესაძლო დისკომფორტის გამო მოსახლეობას ბოდიშს უხდის.
შპს „საქართველოს გაზის ტრანსპორტირების კომპანია“ სისტემატურად ახორციელებს მაგისტრალური გაზსადენების რეაბილიტაციას იმისათვის, რომ მოხსნილი იყოს მათი დაზიანების ნებისმიერი საფრთხე და სისტემა გამართულად ფუნქციონირებდეს. კომპანიის ტექნიკური ჯგუფის მიერ შესრულებული სამუშაოები უზრუნველყოფს მაგისტრალური გაზსადენების გამართულ და სტაბილურ ფუნქციონირებას, მომხმარებლების უსაფრთხო, საიმედო და უწყვეტ გაზმომარაგებას“, - ნათქვამია კომპანიის ინფორმაციაში.