ანა სუბელიანი - მე, როგორც ინდივიდუალური მოქალაქე, ხვალ ვიდგები კანცელარიასთან

მე, როგორც ინდივიდუალური მოქალაქე, ხვალ ვიდგები კანცელარიასთან, - ამის შესახებ „ინტერპრესნიუსს“ სამოქალაქო აქტივისტმა ანა სუბელიანმა განუცხადა.

სუბელიანის თქმით, ის პატივს სცემს, თუმცა არ იზიარებს „თანასწორობის მოძრაობის“ გადაწყვეტილებას ჰომოფობიასა და ტრანსფობიასთან ბრძოლის საერთაშორისო დღესთან დაკავშირებით დაგეგმილი აქციის გაუქმების შესახებ.

„სათემო ორგანიზაციებმა დიდი მსჯელობის შემდეგ მიიღეს გადაწყვეტილება, რაც მიიღეს. პირადად მე არ ვეთანხმებოდი ამ გადაწყვეტილებას, თუმცა პატივს ვცემ. მე, როგორც ინდივიდუალური მოქალაქე, ვაპირებ, რომ მაინც მივიდე ხვალ და დაგვდე იქ, სადაც ისედაც ვაპირებდი დადგომას“, - განაცადა სუბელიანმა.

ანა სუბელიანის გარდა, ხვალ, 19:00 საათზე, მთავრობის კანცელარიასთან სავარაუდოდ ის აქტივისტებიც მივლენ, რომლებიც აქციის გაუქმების შესახებ მიღებულ გადაწყვეტილებას არ იზიარებენ.