კახა კახიშვილი, სავარაუდოდ, ახალ საგამოძიებო უწყებას უხელმძღვანელებს

სასჯელაღსრულების მინისტრი კახა კახიშვილი, სავარაუდოდ, ახალ პოზიციაზე გადაინაცვლებს. „ინტერპრესნიუსის“ ინფორმაციით, კახიშვილი იმ ახალ საგამოძიებო სტრუქტურას უხელმძღვანელებს, რომლის შექმნაც მთავრობამ უკვე დააანონსა.

რაც შეეხება სასჯელაღსრულების სამინისტროს, არსებული ინფორმაციით, ის იუსტიციის სამინისტროსთან გაერთიანდება, რომელსაც იუსტიციის მინისტრი თეა წულუკიანი უხელმძღვანელებს.

შეგახსენებთ, რომ დამოუკიდებელი საგამოძიებო მექანიზმის შექმნის შესახებ კანონპროექტი იუსტიციის სამინისტრომ მოამზადა. კანონპროექტის მიხედვით, შეიქმნება საგამოძიებო მექანიზმი, რომელიც პოლიციაში, ციხეებსა თუ სხვა ძალოვან სტრუქტურებში ჩადენილ შესაძლო დანაშაულებს გამოიძიებს.

იხილეთ ვიდეო: ”კახა კახიშვილი, სავარაუდოდ, ახალ საგამოძიებო უწყებას უხელმძღვანელებს”